Nadat ek die lewe aan my eerste baba geskenk het, het ek as 'n mamma ondervind dat daar nie omvattende kleuterversorging is nie. Ek het toe besluit om hierdie gaping te oorbrug en het self 'n dagversorgingsentrum begin.

Weens my liefde vir kinders, my Pre-primêre opleiding en my sielkundige agtergrond was dit vir my baie belangrik om 'n omvattende diens te lewer vir die werkende mamma.

Hierdie diens moes kleuterskoolonderrig tot Graad R asook dagversorging vir kleiner baba’s insluit sowel as vakansiesorg vir alle kinders, aangesien mamma’s mos vakansies ook werk.

Ek en my man het ons huis in Pretoria verkoop en terug verhuis na Bloemfontein om hierdie erf te koop. Ons het in 'n huurhuis gebly en op 'n stadium ons kar verkoop om genoeg geld te kry sodat die 1ste boufase voltooi kon word.

Ons het die naam "Kapie" afgelei van die “skapie” (die eekhoring wat op die wolkie lê), aangesien die kinders die eekhoring “Kapie” gedoop het.

Personeellede maak dit daagliks hulle prioriteit maak om liefdevolle aandag en stimulasie aan die kinders te voorsien.