Dit is baie belangrik dat alle sintuie van die kind ten volle ontwikkel. Daarom bied ons verskeie buitemuurse aktiwiteite aan wat fisiese voordele vir die groei en ontwikkeling van die kind inhou.

Indien 'n kind byvoorbeeld net visueel sterk ontwikkel, sal sy ouditiewe persepsies (opdragte wat mondelings gegee word) agterweë bly, wat kan veroorsaak dat die kind op skool sukkel omdat hy nie op opdragte kan konsentreer nie. Musiek, stories en verskillende geluide versterk ook die kind se gehoor en spraak.